Դիջիթեքը մեզ հնարավորություն է տալիս ընտրել և սովորել՝ բացի մեր ներկա մասնագիտությունից, նաև այլ մասնագիտություններ, որոնք մենք ցանկանում ենք։ Ընտրության հնարավորությունը շատ մեծ է։ Յուրաքանչյուրն ունի իր հետաքրքրությունը և կարևորությունը։
Այս անգամ իմ նախընտրած դասընթացների շարքում է՝ Adobe photoshop և Illustrator ծրագրերը։
Իրականում երբևիցե չեմ օգտագործել այս ծրագրերը, հետևաբար ոչինչ չգիտեմ դրանց մասին։ Ես շատ եմ սիրում սովորել, հատկապես ավելի եմ ոգևորվում, երբ ինձ համար նոր ծրագրերի եմ ծանոթանում։
Նախ ծանոթացանք դասավանդողների հետ։ Նրանք մեզ համար հետաքրքիր հարցեր և խաղ էին կազմել, որոնց հիման վրա ստուգեցին մեր գիտելիքները ծրագրերի վերաբերյալ։ Դե որոշ չափով անվանումներից եզրակացնում էի, թե ինչ ծրագրեր են։
Այնուհետև մեզ պատմեցին, թե ինչի համար են օգտագործում տվյալ ծրագրերը, ինչպես կարելի է ճիշտ գունային ընտրություն կատարել։ Խոսեցինք նաև գույների նշանակության մասին։ Ծանոթացանք ծրագրերի գործիքների մի մասի հետ՝ ինչպես կարելի է օգտագործել դրանք, յուրաքանչյուրի օգտագործման նպատակը։
Մենք աշխատելու ենք մեր նախընտրած ծրագրով՝ ստեղծելու ենք լոգոներ։
Դասընթացը շատ հետաքրքիր անցավ։
Անուշիկ Ղազարյան 